Сайн байна уу?
Морьтон.нет-н нийт блогчид болон биднийг дэмждэг нийт гишүүддээ шинэ оны мэнд хүргэж та бүхнийг хурдан морьны босоо цагаан хийморь үргэлж ивээжбайх болтугай.
Би энэ удаа МОНЦАМЭ-н Ж.Батсайханы нийтлэлийг та бүхэндээ хүргэж байна. Учир нь миний өмнө хөндөн бичиж байсан хурдан морь шүдлэх болон уяачдад цол олгох талаар өнөөгийн нөхцөл байдалд дүн шинжилгээ хийж бичсэн байсан болохоор тэр. Энэхүү нийтлэлийн бүрэн эхийг МОНЦАМЭ болон www.sonin.mn-с уншна уу?
Монголчууд бид хэдэн зууны өмнөөс адуугаа дээдэлж, хурдан морьдынхоо хурц туурайгаар дэлхийн талыг доргион газар нутгийг эзэлж, төрийнхөө сүлдэнд ч морио мөнхрүүлсэн түүхт ард түмэн.
Морьтон блогын нийт блогчид болон нийт уншигчид та бүхэндээ энэ өдрийн мэнд хүргэе. Би энэ удаа хурдан буянгуудын минь духаар дүүрэн гялалзаж байдаг хурдан морины медалийн талаар өөрийн бодлоо илэрхийлье. Уралдаан олон болсон өнөө үед энэ медалийн хэлбэр хэмжээг стандарчлах шаардлагатай болоод байгаа юм шиг санагдаж байна. Жишээ нь улсын наадам болон улсын чанартай бүсийн наадам, аймгийн наадам, сумын наадам, тэмдэглэлт ой болон бусад наадам гэж ангилж наадам тус бүрд нь өөр хэлбэр хэмжээтэй медаль өгвөл зөв гэж бодож байгаа юм. Эсвэл медаль өгөх наадмын жишиг тогтоох хэрэгтэй байна. Тэгэхгүй бол 20-30 морь уралдсан наадам, улсын наадам 2 медалиараа үндсэндээ адилхан болоод байгаад миний сэтгэл эмзэглэж байна. Ингээд ирэхээр тэр медалийн үнэ цэнэ нь буураад байна шүү дээ.1990-д оны үед медалийг жил бүр, наадам бүр өгдөггүй зөвхөн том ойн баяраар өгдөг байсан бөгөөд медальтай наадам гээд уяачид бөөн л юм болдог байсан. Гэтэл одоо . . . Медалийн үндсэн үүрэг нь тухайн морийг наадамд айрагдсаныг баталгаажуулсан батламж мөн боловч ямар наадамд айрагдсаныг нь хараад мэддэг болбол илүү үр дүнтэй болох болно. Тиймд ММСУХолбоо юмуу ЗГ энэ тал дээр анхаарч ядаж өөрийнхөө зохион байгуулж байгаа наадамдаа нэг стандарт хэмжээтэй медаль өгдөг болмоор байна. Тэгэхгүй улсын баяр наадмаар жил бүр өөр хийц загвартай медаль өгж байгаа нь өөрийнхөө наадмын үнэ цэнийг унагаад байгаа юм биш үү. Энэ чинь төрийн наадам шүү дээ.
Энэ удаа та бүхэндээ Хөвсгөл аймгийн Тариалан суманд амжилттай зохиогдсон Хөвсгөл аймгийн зүүн бүсийн хурдан морьны уралдааны фото мэдээ хүргэж байна. Энэхүү мэдээг оруулахад гүн туслалцаа үзүүлсэн Хөвсгөл аймгийн Тариалан сумын МСУХолбооны тэргүүн Ганаа ахдаа болон нийт тэргүүлэгч гишүүд, уяачид, хурдан морь сонирхогч та бүхэнд баярласнаа илэрхийлж байна.
Мөн энэхүү наадмыг үзэгч олонд хүргэхэд үнэтэй хувь нэмэр оруулсан ТВ-9 телевизийн хамт олон болон Хөвсгөл аймгийн Лха телевизийн хамт олонд ажлын өндөр амжилт хүсье.
Хөвсгөл нутгийн унага болгон босоо төрөх болтугай! Read the rest of this entry »
2-р сарын 21 буюу шинийн 7нд Хөвсгөл аймгийн Тариалан суманд Хөвсгөл аймгийн Зүүн бүсийн сумдын дээд гурван насны хурдан морьны уралдаан амжилттай болж өндөрлөлөө. Уралдаанд Хөвсгөл, Булган, Орхон аймгийн нийт 180 гаруй хурдан хүлэг тоосоо өргөсөн байна. Энэхүү уралдааныг Хөвсгөл аймгийн Тариалан сумын морин спорт уяачдын холбоо зохион байгуулсан бөгөөд гурван насны түрүүлсэн морьдод МОРЬТОН.НЕТ-н хамт олон Ирланд улсаас морьны нэмнээг бэлэг болгон өгсөн нь энэ наадмын бас нэгэн онцлог зүйл байлаа. Read the rest of this entry »
Монголчууд эрт дээр үеэс таван хошуу малаа маллан тэдгээрээ даган нүүдэллэн амьдарч ирсэн сайхан уламжлалтай ард түмэн билээ. Тэр үеэс л эхлэн сүргийнхээ сайнаар эцэг малаа тавьж малынхаа үүлдэр угсааг сайжруулсаар ирсэн. Гэтэл өнөө үед хурдалж байгаа монголын цуут хурдан азаргануудын хувьд энэ үүргээ умартаад зөвхөн уралдаанд уралдах үндсэн үүрэгтэй гэж бодоод явдаг бололтой … тийм биш дээ. Тэд чинь хэдий уралддаг ч гэсэн эцэг мал сүргийн тэргүүн нь шүү. Манай уяачид уралдуулах азаргандаа зөвхөн ороог нь дарах зорилгоор 1-2 гүү хураалган уяаныхаа ажлыг хийгээд байгаа билээ.
Монгол улсын тод манлай уяач Э.Эрдэнэчулууны уяа сойлгыг нь тааруулдаг Мон-Уран компанийн захирал Н.Наранхүүгийн шарга азарганд Монголын морин спорт уяачдын холбооны тэргүүлэгчдийн шийдвэрээр “Амгалан төрийн алтан ажнай” хэмээн цол хайрласан байна. Read the rest of this entry »
Монгол түмний уламжлалт баяр цагаан сар хаяанд ирлээ. Уламжлалт ёсоор цагаан сарын билэгт сайн өдрүүд болох шинийн 3,5,8-нд газар газар хурдан морьны хаврын уралдаанууд болох гээд захаасаа тов нь тодорч эхлээд байна. Үүний нэг нь Хөвсгөл аймгийн ИТХ-н дугаар тогтоолоор Хөвсгөл аймгийн Тариалан сумын нутагт аймгийн хэмжээний хурдан их нас, азарга, соёолон морьдын уралдаан шинийн 8-нд буюу 2-р сарын 21 болох гэж байгаа тул газар газрын уяачид, хурдан морь сонирхогч та бүхнийг өргөнөөр оролцохыг уриалж байна.
Хөвсгөл аймгийн Тариалан сумын Морин Спорт Уяачдын холбоо
Наадмыг зохион байгуулах комисс
Хурдан морио хайрлан хамгаалья сэдэвт шилдэг бичлэгийн уралдааныг ”Арвагар хээр” морин спорт уяачдын холбооноос зохион байгуулж байгаа юм байна шүү бүгдээрээ идэвхтэй оролцоцгооё
Монголчуудын эртнээс нааш уламжлан наадаж ирсэн үндэсний 
их баяр “Эрийн гурван наадам”-ын нэг хийморь сэргээсэн хурдан морио дээдлэх, хайрлан хамгаалах, сүүлийн үед хурдан морины уралдаан тойрсон бусармаг үйл ажиллагаа гаарч байгааг баримтаар хөндөн асуудал дэвшүүлэн бичсэн шилдэг нийтлэл, бичлэгийн уралдааныг “Арвагар хээр” морин спорт уяачдын холбооноос санаачлан нийт сэтгүүлч, зохиолч, яруу найрагч , уран бүтээлчид, морь сонирхогч иргэд, уншигчдын дунд зарлаж байна.
Уралдаанд ирүүлэх бүтээл нь нийтлэл, асуудал дэвшүүлсэн өгүүлэл, сурвалжлага, эргэцүүлэл зэрэг аль ч хэлбэрээр байж болох бөгөөд “Арвагар хээр” холбооны сайтад ирүүлж, нийт уншигчдын санал, бодлыг авсан байхаас гадна хэвлэл, сонинд нийтлэгдсэн байвал зохино.
Хугацаа : 2010 оны 1 дүгээр сарын 18-31 хүртэл 14 хоногийн дотор материалаа ирүүлнэ үү.
Шагнал: Нэгдүгээр байр 1 хүн 500,000 төгрөг
Хоёрдугаар байр 1 хүн 300,000 төгрөг
Гуравдугаар байр 1 хүн 200,000 төгрөг
Тусгай байр 3 хүн тус бүр 50,000 төгрөг
“Арвагар хээр” холбоо.
Утас 96222538.
вэйб сайт www.arvagarheer.com
Имэйл Arvagar_27@yahoo.com
Эдгээр хаягаар холбоо барьж бүтээлээ өгнө үү.
Бид бүхний хүсэн хүлээдэг дэ
лхийд ганцхан монгол наадам эхлэхэд ердөө л аравхан хоног үлдээд байна. Хүчит бөхчүүдийн ир бяр жигдэрч, хүлэг хурдан морьдын уяа сойлго нь таарч, эрхий мэргэн харваачдын цэц мэргэн тэгширч байгаа энэ мөчид хурдан морьны тухай нэгэн асуудлын тухай бичиж гэж байна.
Морь шүдлэх энэ асуудал сүүлийн жилүүдэд уяачдын хувьд нилээд эмзэг сэдэв болоод байгаа бөгөөд тэр тусмаа бага насны үрээ уяж байгаа хүмүүст энэ тал дээр нилээд болгоомжтой хандан морьдоо уяахаасаа өмнө мэргэжлийн хүнээр үзүүлэх хэрэгтэй болоод байна. Одоо цагт морьны, шүдийг нь хараад гайхмаар хэлдэг хэдэн хөгшид маань цөөрчээ…..
Морьтон блогын нийт блогчид, уншигч та бүхэн сайхан зусч байна уу?
та бүхэндээ би энэ удаа Тvмэнбаярын Бум-Эрдэнэ гэдэг зохиолчын нэгэн сайхан өгүүллэгийг хүргэж байна: